IsmaelRSAs comarcas contarán hoxe sábado cos ceos nubrados e posibilidade de choivas ocasionais
IsmaelRS/Xeral
Na xornada do sábado perderemos a influencia das altas presións polo achegamento, desde o Atlántico, dun sistema frontal que quedará estacionario ou con moi pouco movemento sobre o noroeste de Galicia. Deste xeito, os ceos estarán moi nubrados ou cubertos, con precipitacións que caerán con carácter persistente e intensidade moderada na provincia da Coruña e no norte de Lugo, podendo afectar de xeito menos importante a zonas limítrofes e ás Rías Baixas de Pontevedra. As temperaturas mínimas permanecerán sen cambios significativos, mentres que as máximas descenderán entre lixeira e moderadamente, agás na fachada atlántica, onde se manterán sen cambios. Os ventos soprarán do sur e suroeste, con intervalos fortes nos arredores da Costa da Morte pola noite, tal e como comenta MeteoGalicia.
