As librarías participantes son Cartafol e Os picariños e con cada merca dun libro, entregarase un lote de agasallos ata fin de existencias
Laura Moure/Arzúa
O CEIP de Arzúa e o Colexio Nosa Señora do Rosario de Arzúa acolleron esta mañá o contacontos ilustrado Mulleres Galegas. Xela Arias da compañía Polo Correo do Vento. Ademais, desde hoxe, venres 23, ata o 30 de abril o Concello lanza a campaña Arzúa Conta. É unha iniciativa de animación á lectura e de apoio ás librarías da vila. Con cada merca dun libro, recibirase un lote de agasallos, ata fin de existencias.
As librarías participantes son Cartafol e Librería Os picariños. A concelleira de Cultura, Aurora Varela, destacou esta semana en Radio Arzúa a “forte aposta do Concello de Arzúa pola promoción da lectura e da nosa lingua, sobre todo, entre o público máis mozo”.
A libraría Cartafol participa na campaña.
Comments