Arzúa inaugura hoxe a exposición “Queridas aves” de Bernardo Cascón Raposo na Casa de Correos

 A mostra permanecerá aberta ao público do 12 ao 22 de decembro

Laura Moure/Arzúa

O Concello de Arzúa inaugurará hoxe, venres 12 de decembro, ás 20:00 horas, a mostra “Queridas aves”, unha proposta expositiva do artista arzuá Bernardo Cascón Raposo que se poderá visitar na Casa de Correos.

A exposición, de entrada libre, reúne unha selección de ilustracións centradas no mundo das aves, co propósito de poñer en valor a súa beleza e diversidade a través dunha mirada artística e divulgativa. A mostra permanecerá aberta ao público do 12 ao 22 de decembro, en horario de martes a venres de 19:00 a 21:00 horas, e sábados e domingos de 12:00 a 14:00 horas.

 Publicidade

Preme na imaxe para obter máis información.

Durante os días de apertura habilitarase tamén un pequeno espazo de pintura infantil, pensado para que as crianzas poidan achegarse á creación artística mentres as familias visitan a exposición.

Publicidade

Preme para contactar con nós e pregunta polas tarifas que son unha bicoca!

O Concello de Arzúa invita a toda a veciñanza a asistir ao acto inaugural e a achegarse nos vindeiros días a esta proposta cultural, que busca promover a sensibilidade artística e o coñecemento da natureza a través da ilustración.