Arzúa inaugura a súa primeira liña de autobús turístico para descubrir as súas xoias naturais

Os tickets están dispoñibles ata completar aforo e poden ser reservados na oficina de turismo da localidade

Laura Moure/Arzúa

O vindeiro mércores 28 de agosto, Arzúa celebrará un fito na súa oferta turística coa inauguración da súa primeira liña de Bus Turístico, deseñada para facilitar o acceso a algunhas das localizacións máis mblemáticas do concello. O servizo, que operará os mércores e xoves de 17:30 a 19:30 horas, comezará coa visita ás impresionantes Fervenzas das Hortas, onde se realizará unha pequena camiñata ata baixar á fervenza.

Publicidade

Preme na imaxe para obter máis información do evento.

A ruta continuará pola contorna do Encoro de Portodemouros, ofrecendo vistas panorámicas e a oportunidade de apreciar a beleza do encoro. A última parada será no Enredo do Abelleiro, un museo vivinte dedicado ao mundo da apicultura, onde os visitantes recibirán unha visita guiada polo interior e exterior do museo.

Publicidade

Preme na imaxe para obter máis información.

Os tickets para o Bus Turístico están dispoñibles ata completar aforo e poden ser reservados na oficina de turismo de Arzúa, que será o lugar de partida e chegada do bus. O prezo do ticket é de 3 euros, que inclúe a entrada ao museo vivinte da mel.

Publicidade

Preme na imaxe para consultar programa e horarios.

Durante todo o percorrido, os pasaxeiros contarán coa compañía dun guía turístico no autobús, que enriquecerá a experiencia con información detallada sobre cada localización. Begoña Balado, concelleira de Turismo, destaca a importancia deste novo servizo para a comunidade: “Esta liña de bus turístico non só ofrece unha nova maneira de explorar Arzúa e os seus tesouros ocultos, senón que tamén pon en valor a nosa rica herdanza natural e cultural. Está destinado non só a peregrinos e turistas, senón tamén á poboación local de Arzúa, facilitando así o acceso a lugares significativos da nosa área.”

Publicidade

Preme na imaxe para obter máis información.

A ruta do bus turístico promete ser unha adición valiosa á infraestrutura turística de Arzúa, proporcionando unha forma cómoda e eficiente de descubrir a beleza e a historia que este concello ten para ofrecer.