Arzúa honrará a memoria de Juan Manuel Vidal, alcalde de Arzúa asasinado polo réxime franquista

Organiza un acto solemne de lembraza co gallo do 17 de agosto, data que se reivindica desde fai moitos anos como o Día da Galiza Mártir

Laura Moure/Arzúa

O vindeiro sábado 17 de agosto, ás 12:00 horas, o Concello de Arzúa celebrará un acto solemnne de lembranza a Juan Manuel Vidal, antigo alcalde do municipio, que foi fusilado polo réxime franquista. Este pretende ser, ademais, "un acto de lembranza de todas as galegas e galegos que loitaron pola liberdade fronte ao fascismo" explica o actual alcalde, Xoán Xesús Carril.

O evento terá lugar na Praza de Galiza, fronte ao busto de Juan Manuel Vidal, "ecelebrarase o vindeiro sábado 17 de agosto, data que desde hai anos se reivindica como Día da Galiza Mártir".

Publicidade

Preme na imaxe para obter máis información.

Desde o Concello sinalan que será "unha xornada de memoria e reivindicación da liberdade e dos valores democráticos na que, ademais doutras intervencións, haberá tamén unha pequena actuación de Xosé Luís Rivas "Mini", mestre e músico de longa traxectoria recoñecida e persoa comprometida coa recuperación da memoria histórica".

Publicidade

Preme na imaxe se queres contactar connosco.

O Concello de Arzúa convida a toda a veciñanza a participar neste acto de homenaxe e a reflexionar sobre a importancia de manter viva a memoria democrática para que feitos así non volten acontecer e seguir a reclamar xustiza e reparación para as vítimas do franquismo.