Arzúa cancela o desfile dos Reis Magos, pero recibirán aos cativos no Multiusos Terra do Queixo
Laura Moure/Arzúa
O Departamento de Cultura do Concello de Arzúa informa que este mércores, 5 de xaneiro, os Reis Magos visitarán este municipio e atenderán a todas as nenas e nenos nunha recepción que se levará a cabo no Multiusos Terra do Queixo con todas as medidas de hixiene e protección. O Concello decidiu cancelar o desfile polas rúas atendendo ás recomendacións da Xunta de Galicia para evitar aglomeracións nas que, ademais, non se poida garantizar o mantemento da distancia de seguridade.
Programa de actos:
17:00 horas. Apertura de portas do Multiusos Terra do Queixo.
17:30 horas. Chegada dos Reis Magos ao Multiusos Terra do Queixo en vehículos clásicos.
17:40 horas. Recepción e entrega de agasallos a todas as nenas e nenos Animación musical a cargo de Faíscas da Pontraga.
20:30 horas. Remate dos actos
Medidas de hixiene e protección:
Entrada e saída diferenciada e percorrido unidireccional e sinalizado.
Control de acceso e desinfección de mans na entrada.
Control de aforo que non superará o límite de 200 persoas.
Habilitaranse tres filas, unha para cada Rei, separadas 3 metros entre si. A xente que esté en cada fila agardando quenda tamén manterá a separación de 1,5 metros.
As nenas e nenos falarán cos Reis mantendo a distancia de seguridade.
Unha vez sexan atendidos será obrigatorio saír do edificio.
É obrigatorio o uso de máscara en todo momento cubrindo nariz e boca.
O edificio estará continuamente ventilado.
