Arzúa acolle hoxe un concerto a cargo de Andhrea & The Black Cats na Praza de Galiza

Laura Moure/Arzúa

O Departamento de Cultura do Concello de Arzúa organiza, dentro da programación cultural de verán, unha nova edición do Ciclo de música na rúa baixo o título de En Aberto. Mañá xoves chega a segunda proposta deste ano cun concerto a cargo de Andhrea & The Black Cats na Praza de Galiza ás 21:00 horas, coa entrada gratuíta e acceso libre.

Despois do primeiro recital da man da Rondalla Moraima o pasado 31 de xullo, o certame retoma a súa actividade mañá, xoves 14 de agosto, da man banda compostelá de música blues Andhrea & The Black Cats que leva pisando moitos escenarios dende 2012 destacando o Festival de Blues de Benicassim e o Sweet Cotton Festival. Hoxe en día están a presentar a súa nova formación, coa incorporación da tuba, dotando aos seus directos dun carácter que fai recordar á vella Nova Orleans.

Publicidade

Preme na imaxe para obter máis información.

O repertorio desta banda supón un percorrido na historia do blues, unha viaxe na que se traslada ao público a outra época a través das historias narradas no seu momento polos autores mais clásicos e cuxo transfondo, na maioría dous casos, segue tendo presenza hoxe en día.

Publicidade

Preme na imaxe se queres contactar connosco.

O xoves 21 de agosto será a quenda de Abril e, de pechar o ciclo o xoves 28 de agosto encargarase a formación de música latina SonBoleros.