top of page

Arzúa última os detalles da súa Primeira Ruta Cicloturista BTT “Arzúa, destino verde”

Foto del escritor: Laura MoureLaura Moure

Está prevista para finais de maio


Laura Moure/Arzúa

A Concellería de Turismo do Concello de Arzúa está traballando arreo no ç desenvolvemento dunha nova proposta de cicloturismo: a Ruta Cicloturista BTT “Arzúa, destino verde”. Este proxecto innovador está pensado para destacar os tesouros naturais, culturais e paisaxísticos de Arzúa, reafirmando o compromiso do Concello co turismo sostible e o coidado do patrimonio.

Esta ruta en Bicicleta Todo Terreo (BTT), modalidade coñecida internacionalmente como ‘Mountain Bike’ (MTB), permite aos ciclistas percorrer camiños fóra das estradas convencionais, ideais para explorar áreas rurais e accesos a natureza pura, o que a fai perfecta para descubrir as riquezas de Arzúa dunha maneira activa e integradora.


Publicidade

Preme na imaxe se queres obter máis información do evento.
Preme na imaxe se queres obter máis información do evento.

"Actualmente estamos nos preparativos finais e, en breve, teremos a presentación oficial desta emocionante iniciativa. A celebración da primeira Ruta Cicloturista BTT “Arzúa, destino verde” está prevista para finais de maio e a ruta propón un percorrido de aproximadamente 36 quilómetros que serpentean entre paisaxes que capturan o espírito e a beleza de Arzúa. A ruta non só seducirá aos amantes do ciclismo, senón que tamén será un chanzo importante cara á promoción dunha oferta turística duradeira, accesible durante todo o ano para todos aqueles que desexen explorar a rexión de xeito autónomo ou en grupo", sinalan dende esta concellería.


Este lanzamento será acompañado de instalacións permanentes como paneis informativos no núcleo urbano, que proporcionarán acceso a unha versión dixitalizada da ruta xunto con toda a información necesaria para a súa realización.


Publicidade    

Preme na imaxe se queres contactar connosco.
Preme na imaxe se queres contactar connosco.

Begoña Balado, concelleira de Turismo, reflexiona sobre esta iniciativa: “A través da Ruta Cicloturista BTT ‘Arzúa, destino verde’, buscamos conectar á xente coa inigualable beleza de Arzúa de forma activa e consciente. Este novo recurso promoverá o turismo durante todo o ano e destacará a nosa dedicación ás prácticas de turismo responsable e sostible.”


0 comentarios

Comments


IRS.gif
Copia de ¡TU Anuncio!.gif
Ecos_da_Comarca_neg.png

© 2025 por Ecos da Comarca.

¡Grazas por contactar connosco!

  • Facebook
  • Instagram
  • TikTok
  • X
  • Youtube
bottom of page