Arrancan en Lalín as obras para conectar en anel os transformadores de corriente eléctrica que dan servizo ás rúas do centro urbano

Os traballos consisten na construción de novas arquetas de empalme, redimensionamento do tendido que duplicará a súa sección e conexión en anel dos centro de transformación

Laura Moure/Lalín

O concelleiro de Obras e Servizos de Lalín, José Cuñarro, visitou as obras que está executando a empresa Elecnor en varias rúas do casco urbano e que permitirá conectar en anel os transformadores de corriente eléctrica que dan servizo ás rúas do centro urbano. Uns traballo que non só consisten en anelar o casco, senón que tamén permitirán o dimensionamento do cableado, que pasará de 95 mm a 200 mm o que implica un redimensionamento da capacidade da rede.

Os traballos de anelado de transformadores e redimensionamento da liña, cun orzamento superior aos 150.000 euros, comezou na rúa Maruja Gutiérrez coa realización de catas e a construción dunha nova arqueta de empalmes eléctricos na cabeceira da rúa e a realización das catas, para a posta á vista do tendido eléctrico, no tramo de plataforma única mediada a rúa. Ditas obras obrigaron a cortar o tramo da Maruja Gutiérrez no tramo que vai dende a Rúa B ata a Luis González Taboada.

Publicidade

Preme na imaxe para obter máis información.

Esta liña de 20.000 voltios, media tensión, unha vez se completen os traballos que se acometen e que teñen unha duración estimada ata o mes de agosto, permitirá os técnicos da empresa eléctrica alimentar os transformadores dende dúas liñas distintas, reducindo os cortes de subministros producidos por avarías, ou danos nos tendidos, e que estas avarías teñan unha afección xeográfica máis pequena ao poder seccionar tramos máis reducidos de rúas e de mazás do casco urbano, ao poder alimentar de xeito separado aos tramos que presenten danos, o que redundará nun mellor servizo e nunha redución nos tempos de reposición do servizo eléctrico.

Publicidade

Preme na imaxe se queres contactar connosco.

Na visita, na que o edil estivo acompañado de técnicos municipais, e persoal da empresa Elecnor, fóronse fixando determinados aspectos dos acabados da obra que afecte á plataforma de rodaxe e ás beirarrúas e os tempos de execución. Unhas obras que afectarán a Maruja Gutiérrez, un tramo de Luis González Taboada, Travesía da Luis González Taboada, Pintor Laxeiro, Avenida Bos Aires, Praza da Igrexa e Rosalía de Castro.

A concelleira de Benestar, Ángela Troitiño, foi a encargada de recoller esta doazón. Dende o Concello agradécese este tipo de accións solidarias que buscan axudar ás familias do municipio con menos recursos.