Perruquería Marisa.gif

Arranca o Plan Concilia con 20 familias no colexio de Agolada que está promovido pola ANPA

Aínda hai prazas libres e os interesados poden contactar coa directiva da asociación


Laura Moure/Agolada

O Plan Concilia do CEIP de Agolada xa comezou. Está promovido pola Asociación de Nais e Pais Aqualatam deste centro educativo. Púxose en marcha por primeira vez este curso e está impartido pola empresa Enrédate, que ademais completarase coas actividades actividades extraescolares.

Alumnado que acude ao Plan Concilia en Agolada.

"As razóns de levar a cabo este proxecto por parte da ANPA é por un lado, solucionar o problema das familias traballadoras para que poidan deixar aos seus fillos nun lugar seguro e coa garantía de que estarán ben atendidos. E por outra banda, con este proxecto preténdese tamén acabar coa fuga de alumnado a outros municipios", indica a ANPA.


Esta iniciativa levarase a cabo en horario de mañá, xusto unha hora antes do comezo das clases, e tamén dúas horas pola tarde. "Desde a ANPA estamos pendentes de se se aproba unha axuda para o “Concilia” e poder así rebaixar as cotas actuais".

Neste momento, os usuarios son 20 familias polo que aínda hai prazas libres. Os interesados poden contactar coa directiva da ANPA.


NOTICIA RELACIONADA:

154 visualizaciones0 comentarios
IRS.gif
Copia de ¡TU Anuncio!.gif