Arranca en Silleda o Programa Anduriña con clases de galego e español para a veciñanza migrante

É unha formación gratuíta que continuará ata finais de xuño na Casa da Xuventude

Ecos da Comarca/Xeral

A alcaldesa de Silleda, Paula Fernández, e a concelleira de Benestar Social,

Ángela Troitiño, deron a benvida ás persoas participantes no Programa Anduriña, xa que este luns omezou unha nova edición. Trátase dunha iniciativa de alfabetización e integración cultural para a poboación inmigrante empadronada no Concello de Silleda e maior de idade.

Así, dende onte, luns 6 de maio, e ata finais de xuño impartiranse cursos de galego e español, de xeito gratuíto, na Casa da Xuventude.

Publicidade

Preme na imaxe para obter máis información.

As sesións de lingua española son os luns (de 9:00 a 11:00) e martes (de 11:15 a 13:15), que deron comezo esta mañá. As clases de lingua galega iniciáronse tamén hoxe e son os luns (de 11:15 a 13:15) e martes (de 9:00 a 11:00).

Publicidade

Preme na imaxe se queres contactar connosco.

En castelán hai case 30 persoas inscritas e en galego un grupo de 10 persoas. Con este programa dende o Concello de Silleda búscase facilitar a integración das persoas inmigrantes.