ecosdacomarcaArden unha moto e alpacas de herba nunha nave agrícola de Melide
Ecos da Comarca/Melide
Esta mañá orixinouse un incendio nunha nave agrícola no municipio de Melide. O 112 Galicia foi alertado minutos antes das 7:30 horas
Tal e como informa o 112 Galicia o incendio produciuse nunha nave agrícola da parroquia de Maceda. Arderon unha moto e alpacas de herba que estaban almacenadas no seu interior e tamén afectou ao tellado das instalacións.
Ata o lugar desprazáronse os Bombeiros de Arzúa, a Garda Civil e Protección Civil de Melide e tamén Urxencias Sanitarias a modo preventivo.
