Arde unha tenda de produtos agrícolas

Ecos da Comarca/Xeral

O local ardeu practicamente na súa totalidade, aínda que non houbo que lamentar danos persoais.

Os servizos de emerxencias traballaron durante varias horas para apagar un lume que afectou a unha tenda de produtos agrícolas situada na parroquia de Baíñas, en Vimianzo. O local, de dúas plantas, comezou a arder pasadas as 20 horas, cando un particular chamou ao 112 Galicia para alertar do ocorrido.

Foto de Arquivo

Nese momento, os xestores do Centro Integrado de Atención ás Emerxencias trasladaron a información aos Bombeiros de Cee e Santa Comba, Garda Civil e voluntarios de Protección Civil de Vimianzo.

 Publicidade

Preme na imaxe para obter máis información.

No interior das instalacións almacenábanse produtos agrícolas (algúns deles inflamables) e maquinaria, e a vivenda contigua estaba habitada, mais todas as persoas atopábanse fóra no momento do aviso.

Publicidade

Preme para contactar con nós e pregunta polas tarifas que son unha bicoca!

Pouco despois das 22:30 horas, os bombeiros confirmaron que o incendio estaba xa controlado e continuaron no lugar realizando tarefas de arrefriamento e ventilación.