Arde por completo un galpón no municipio de Lalín
IsmaelRS/Lalín
Ás 6:00 horas desta mañá, un lume queimou un alpendre que contiña varios aparellos electrónicos en Pareizo, Goiás (Lalín). Unicamente quedou en pé a estrutura. Segundo a información aportada polo GES Lalín, tratábase dun pequeno pendello con cociña, baño e un sofá, ademais de varios bens que foron calcinados polas lapas.
O 112 avisou ao GES de Lalín, aos Bombeiros de Silleda, á Garda Civil e a Protección Civil de Lalín.
Polo momento son todos os datos cos que contamos sobre este suceso.
