Arde a campá extractora e un moble dunha cociña en Melide
Ecos da Comarca/Melide
Esta tarde orixinouse un incendio nunha vivenda de Melide. O suceso ocorreu ás 17:45 horas na circunvalación do Campo da Feira.
Tal e como informa o 112 Galicia ardeu a campá extractora e un moble da cociña. Ata o lugar desprazáronse Protección Civil de Melide, a Garda Civil e os Bombeiros de Arzúa.
"Unha vez no sitio, Protección Civil indicounos que os veciños xa conseguiran apagar o lume e xa non fixo falta que os bombeiros actuaran", sinala o 112. Non houbo que lamentar danos persoais.
