top of page

Aprobada por unanimidade a proposta de adxudicación da reforma integral da praza da Bandeira

Coviastec S.L execturará os traballos, subvencionados co programa de fondos europeos DUS 5000, por un importe de 948.259 euros


Ecos da Comarca/Silleda

O proxecto “Mellora de mobilidade peonil e rexeneración urbana da praza da Bandeira” adxudicarase á empresa Coviastec S.L, por un importe de 948.259,93 euros (IVE

engadido). Así o acordou hoxe o pleno nunha sesión urxente e extraordinaria por unanimidade de todos os grupos.

O Salón de Plenos do novo Consistorio de Silleda. Autor: Ecos da Comarca.

O proceso de licitación rematou hai uns días, ca presentación de 5 ofertes, sendo a de Coviastec a que acadou maior puntuación.


Publicidade

O goberno municipal incluiu na sesión ordinaria do pasado xoves esta aprobación, se ben houbo que convocar outro pleno (o de hoxe durou apenas 5 minutos) porque a oposición votou en contra da urxencia aducindo que non tiveran tempo de ver a proposta.


A empresa adxudicataria terá un prazo de 9 meses para executar as obras dende a firma da acta de replanteo. A obra realizarase grazas á subvención do programa DUS 5000, do

Instituto de Diversificación e Aforro Enerxético (IDAE) do Estado, que financia a obra nun 80%.


Publicidade

A redacción do proxecto financiouse ademais con cargo á Rede Ágora da Deputación de Pontevedra, da que o Concello de Silleda forma parte, cumprindo cas liñas do Plan de Mobilidade Urbana Sostible (PMUS) do municipio.


Na sesión o PP pediu tomar medidas para que as obras non interfiran na feira, e o BNG considera o proxecto “pouco ambicioso”.


Publicidade

A remodelación non só afectará á praza Juan Salgueiro da localidade, senón que tamén rexenerará as rúas de todo o entorno, incluída a urbanización da rúa Travesía de Vista Alegre.


0 comentarios
IRS.gif
Copia de ¡TU Anuncio!.gif
Ecos_da_Comarca_neg.png
bottom of page