Aparece san e salvo en Cira o veciño de Añobre que levaba 13 días en paradoiro descoñecido

A familia agradece a colaboración de toda a xente que se involucrou a través das redes sociais e que contribuíron na súa búsqueda

Laura Moure/IsmaelRS/Vila de Cruces

A familia de Luis Mella Caldelas xa respira tras dar co seu paradoiro. Este veciño de Añobre (Vila de Cruces) levaba desaparecido dende hai 13 días. Este venres, tal e como confirma un dos seus irmáns, foi atopado san e salvo na parroquia silledense de Cira.

Luis Mella apareceu san e salvo.

"Foi gracias á xente das redes sociais que nos chamou. Fumos un paso por detrás, pero hoxe demos con el, gracias a que un rapaz que ía correndo cun can o viu e nos chamou", conta seu irmán Manuel.

Cabe mencionar que onte unha pista o sitúaba o martes pola noite nun parque ubicado entre Padrón e Pontecesures. "Atópase cansado e bastante delgado", sinala Manuel.

Agora toca descansar e intentar que Luis non volva desaparecer porque por desgracia non é a primeira vez.

NOTICIAS RELACIONADAS:

• https://www.ecosdacomarca.com/post/buscan-a-un-veci%C3%B1o-de-vila-de-cruces-que-leva-f%C3%B3ra-da-casa-dende-hai-unha-semana

• https://www.ecosdacomarca.com/post/a-familia-do-home-desaparecido-en-añobre-recibe-unha-pista-de-que-foi-visto-o-martes-en-padrón