Perruquería Marisa.png

ESPAZO DISPOÑIBLE PARA ANUNCIARSE

Antonio R. Troitiño e Alfonso García unifican as súas candidaturas nunha “alternativa gañadora”

“Xeración-RenovaFGA é un paso adiante para configurar unha alternativa aínda máis sólida que busca un automobilismo diferente, máis transparente, máis participativo e máis barato e asequible para escuderías e deportistas”, aseguran



Laura Moure/Deza

O candidato lalinense de RenovaFGA á presidencia da Federación Galega de Automobilismo, Antonio Rodríguez Troitiño, e o candidato de XeraciónFGA, Alfonso García Eiriz, escenificaron este mércores a decisión de unificar ambas as candidaturas nun único grupo de traballo que sexa “unha alternativa gañadora” para afrontar as votacións dos membros da asemblea que se celebrarán o día 9 de outubro e a elección do presidente ou día 4 de decembro. “Desde hoxe comezaremos a traballar unidos como Xeración-RenovaFGA para acabar con preto de 40 anos de réxime de Iván Corral como presidente, cun funcionamento totalmente personalista, tremendamente opaco e cada vez máis alonxado dos verdadeiros protagonistas deste deporte, que son fundamentalmente as entidades organizativas, os pilotos e copilotos, e os afeccionados”, aseguraron en rolda de prensa.

Segundo explicaron, esta fusión de ambas candidaturas “é froito de moitos puntos de coincidencia sobre os cambios que é preciso implementar na federación” e do “diálogo fluído e constante” que Antonio Rodríguez Troitiño e Alfonso García viñan mantendo desde hai meses, a pesares de traballar ata agora de forma completamente independente. “Xeración- RenovaFGA é un paso adiante para configurar unha alternativa aínda máis sólida que busca un automobilismo galego diferente, máis transparente, máis participativo e máis barato e alcanzable para as escuderías e para os deportistas”, explicaron

Respecto aos seus respectivos roles na candidatura unificada, anticiparon que Antonio Rodríguez Troitiño encabezará ou grupo de traballo, contando co respaldo de Alfonso García como segundo máximo responsable do mesmo. A nivel operativo, nos vindeiros días irán unificando tamén os grupos de traballo e cuestións como a imaxe corporativa ou as canles de comunicación “para proxectar unha imaxe única, unida e máis forte”.


Necesidade de traballar o censo electoral

En canto ao labor máis inmediato, ambos avanzaron a necesidade de “traballar o censo electoral, para filtrar moitas escuderías e deportistas que aparecen e non poderían estar e outros que faltan e si deberían figurar”. “O obxectivo é depurar o censo elaborado por Iván Corral para garantir que o proceso electoral sexa limpo e transparente, sen ningún tipo de manipulación que poida adulterar o resultado”, destacaron.


31 visualizaciones0 comentarios

Entradas Recientes

Ver todo
IRS.jpg

ESPAZO DISPOÑIBLE PARA ANUNCIARSE