Antonio Presas, xeógrafo lalinense: "Altri, un monstro para o río Ulla"

Artigo do xeógrafo lalinense Antonio Presas

Antonio Presas, xeógrafo lalinense

En ECOS DA COMARCA compartimos este artigo autoría de Antonio Presas, xeógrafo lalinense, sobre Altri.

"ALTRI, UN MONSTRO PARA O RÍO ULLA"

"Cando comparamos o caudal do río Ulla en Ponte Arcediago, onde se recollen os rexistros de aforo da parte da conca alta deste río (a que subministraría auga á Celulosa ALTRI), co consumo industrial de auga na mesma, pronto nos decatamos da gran desproporcionalidade que hai entre as dúas magnitudes: consumo de auga pola fábrica e capacidade do río para manter ese subministro.

O río Ulla, con moi escaso caudal, a finais de setembro, por encima da cola do encoro de Portodemouros (Ponte Agra)

O hidrograma do río Ulla en Ponte Arcediago, no que vai deste ano 2025 (xaneiro a setembro), amosa, claramente, que durante o verán e comezo de outono esa actividade é insostible. Un río como "alto Ulla", é incapaz de abastecer unha celulosa que demanda un consumo de auga tres veces máis alto que a súa capacidade de rexeneración.

 PUBLICIDADE

Desde comezos do mes de agosto (ano 2025) o caudal do Ulla, no lugar indicado, foi inferior a 1.000 litros/segundo (1metro cúbico/segundo) e o mínimo tivo lugar o 26 de agosto con 542 litros/segundo. Nestas condicións a Celulosa ALTRI non só é insostible, senón, tamén, netamente perxudicial para o sistema fluvial.

PUBLICIDADE

Preme na imaxe se queres contactar connosco.

Así que, tendo en conta datos cuantitativos, a Celulosa que queren implantar vilmente en A Vacariza, é unha actuación fora de lugar, totalmente contraproducente, negativa e perxudicial en todos os aspectos. O que non é sostible non é viable".