Antas oferta actividades para favorecer a estimulación a nivel físico, cognitivo e social

Están dirixidads ás persoas maiores do municipio

Ecos da Comarca/Deza

O Concello de Antas de Ulla convida ás persoas maiores do municipio a participar en actividades para favorecer a estimulación a nivel físico, cognitivo e social. Terán lugar de luns a xoves de 17:00 a 19:30 na Casa da Cultura, e comezarán o día 18 de novembro.

De 17:00 a 18:00 terán lugar as actividades de ocio e tempo de lecer, que non requiren inscrición, e de 18:00 a 19:00 haberá diversas iniciativas para as que será necesaria a inscrición previa.

Dentro destas últimas, os luns haberá actividades para activar a mente; os martes será a quenda da ximnasia de mantemento; os mércores, das novas tecnoloxías; e o xoves, de activar a memoria.

Publicidade

Preme na imaxe se queres contactar connosco.

A inscrición para estas últimas será nas oficinas do Concello. Máis información no número de teléfono 982 37 92 51.