Antas de Ulla organiza reunións informativas nas parroquias sobre o Plan Básico Municipal

Laura Moure/Antas de Ulla

O Concello de Antas de Ulla levará a cabo nos vindeiros días unha serie de reunións informativas nas parroquias e no casco urbano para explicar á veciñanza o Plan Básico Municipal que está a tramitar a Xunta de Galicia.

Durante estes encontros, a alcaldesa, Pilar García Porto, informará de maneira clara sobre en que consiste este plan urbanístico, cales son os seus obxectivos e de que forma pode afectar ás vivendas, ás fincas e ao desenvolvemento futuro do municipio. Ademais, as reunións servirán para resolver dúbidas da veciñanza e para facilitar a presentación de consultas ou alegacións ao documento.

 Publicidade

Preme para obter máis información.

O Concello anima á participación cidadá neste proceso, destacando a importancia de que as veciñas e veciños coñezan o contido do plan e poidan expresar as súas opinións e inquedanzas.

Toda a documentación sobre o Plan Básico Municipal pode consultarse na páxina web municipal.

Calendario de reunións

• 22 de marzo de 2026 – Antas de Ulla, ás 16:00 horas, na Casa da Cultura

• 27 de marzo de 2026 – Olveda, ás 16:00 horas, na Casa Escola

• 28 de marzo de 2026 – Santa Mariña, ás 12:00 horas, na Igrexa

• 28 de marzo de 2026 – Areas, ás 16:00 horas, na Igrexa

• 29 de marzo de 2026 – Dorra, ás 16:00 horas, no Local Social

• 5 de abril de 2026 – Casa de Naia, ás 12:00 horas, no Teleclube

• 5 de abril de 2026 – Antas de Ulla, ás 16:00 horas, na Casa da Cultura

 PUBLICIDADE

Preme na imaxe para contactar con nós!

As persoas que desexen recibir atención individualizada tamén poden solicitar cita previa na oficina municipal.