Antas acolle hoxe unha reunión para coñecer o proxecto de implantación dunha fábrica de biogás

Ecos da Comarca/Antas de Ulla

Hoxe, luns 16 de decembro, ás 19:30 horas no salón de actos da Casa da Cultura de Antas de Ulla, haberá unha reunión solicitada pola empresa CCC Energo Group para explicar “a tecnoloxía e o proxecto de implantación dunha ‘fábrica de biogás’ de eficiencia enerxética e sen emisións, ruídos nin olores”, tal e como sinala o Concello a través das súas redes sociais.

Publicidade  

"A fin de que a veciñanza estea informada de calquera previsión de proxecto que puidera afectar ao noso concello, convidámosvos a participar na mencionada reunión. Adxuntamos a carta enviada pola empresa CCC Energo Group solicitando a reunión cos veciños".