top of page

Alba Forno propón avanzar nos camiños escolares seguros para os centros educativos de Lalín

A candidata socialista á Alcaldía ademais promete subvencións as ANPAS para levar a cabo actividades extraescolares que poidan ter un custe elevado coma Robótica, Creación Dixital ou Xadrez


Ecos da Comarca/Lalín

A candidata dos e das socialistas lalinenses, Alba Forno, propón que o modelo de vila

debe avanzar tamén no eido da independencia dos nenos e nenas con Camiños

Escolares Seguros que permitan aos cativos desprazarse aos centros educativos,

promovendo a actividade saudable de camiñar ao tempo que se mellora nas posibilidades

de conciliación das familias.


“Quero que pais e nais se sintan seguros cos seus fillos desprazándose polo seu propio

pé aos centros educativos, para iso traballaremos coas ANPAS no deseño deses

Camiños Escolares Seguros ao tempo que se melloran as rúas e a infraestrutura urbana

para consolidar esta opción”, indica Forno. Para o PSdeG-PSOE de Lalín esta é unha

opción óptima para as familias que gañan en conciliación ao tempo que os rapaces

adquiren hábitos saudables e gañan independencia.

“É unha medida que funciona xa noutras vilas coma Santiago de Compostela. Isto permite mellorar a mobilidade e seguridade viaria nas áreas escolares, outorgando prioridade á mobilidade peonil e aos vehículos de transporte colectivo”. As beirarrúas nesas zonas terán un mínimo de 2,5 metros para facilitar o tránsito de peóns e farase a sinalización precisa para crear estas rutas. Compre lembrar a forte aposta polas posibilidades de conciliación da vida familiar que quere levar a cabo Alba Forno como alcaldesa, pois ademais dunha nova Escola Infantil e un Centro de Conciliación no antigo Centro de Saúde, preténdese apostar pola mobilidade segura dos máis novos.

Por outra parte, para mellorar as posibilidades de conciliación da vila, o PSOE

propón que de xeito inmediato se habilitarían partidas para colaborar coas ANPAS para a

posta en marcha de actividades extraescolares que, polo elevado custe que puideran

supoñer, poidan ser afrontadas polas familias coa colaboración do Concello. Así a candidata socialista cita actividades como Robótica, Creación Dixital ou Xadrez

como algunhas das posibilidades e afirma que o traballo coas familias tanto no eido dos

Camiños Escolares e a Conciliación vai ser estreito “pois como nai de dous cativos

entendo que Lalín precisa dar un verdadeiro salto adiante en conciliación, que é unha das

grandes demandas que hai nestes intres”.

Ademais, lembra que dende o Concello a xestión deste servizo "está sendo caótica, posto que as convocatorias para solicitar as prazas saen tarde, moitas veces as bases non están claras e mesmo vimos como mermaron as prazas da piscina para as ANPAS, unha actividade que é fundamental nos primeiros anos dos nenos/as e isto non se pode permitir”, destaca a candidata socialista.





0 comentarios

コメント


IRS.gif
Copia de ¡TU Anuncio!.gif
Ecos_da_Comarca_neg.png
bottom of page