Alba Forno lamenta o deterioro da convivencia na rúa Álvaro Cunqueiro de Lalín

O PSOE reclama a apertura urxente da vía e o derrubo do edificio abandonado da SAREB

Ecos da Comarca/Lalín

Os socialistas de Lalín lamentan "o clima de crecente de inseguridade e malestar veciñal na contorna da rúa Álvaro Cunqueiro, onde un edificio abandonado de propiedade da SAREB está a converterse nun foco de problemas de convivencia". A voceira do PSdeG-PSOE, Alba Forno, sinala que a situación actual "é consecuencia directa da parálise do goberno local, que mantén pechada esta rúa por cuestións urbanísticas, impedindo que se integre na trama urbana. É imprescindible que se proceda á apertura inmediata da rúa Álvaro Cunqueiro. Co paso de vehículos e peóns, a zona cobraría vida e evitaríase que siga funcionando como espazo marxinado, sen vixilancia nin actividade, propicio para que medren conflitos sociais”, explicou Forno.

Alba Forno.

A socialista lembra que durante o mandato do goberno de coalición xa se avanzara neste

proceso e que “a apertura da rúa estaba practicamente lista, sen que se coñezan os

motivos polos que agora está completamente paralizada”.

Publicidade

Preme na imaxe para obter máis información do evento.

Por outra banda, o PSdeG-PSOE insta ao Concello a iniciar de inmediato os trámites co SAREB para o derrubo do inmoble, que ademais de estar abandonado presenta graves problemas estruturais que afectan negativamente a edificios próximos: “Hai comunidades que levan anos tendo que achicar auga dos sotos polas filtracións que provoca este edificio, sen que o Concello faga nada ao respecto, a pesar de ter a competencia exclusiva en materia de disciplina urbanística”, apuntou Forno.

A voceira socialista lembra que xa na etapa de goberno progresista, o entón concelleiro de

Urbanismo, Nicolás González Casares, realizou múltiples xestións coa SAREB, incluído o

remate da vivenda no entronque entre Joaquín Loriga e Laxeiro, “pero agora nin sequera

se avanza nos procesos que xa estaban encamiñados”, denuncia.

Publicidade

Preme na imaxe se queres contactar connosco.

Reunión coa veciñanza

Ante a preocupación crecente da veciñanza, o PSdeG-PSOE convocará unha xuntanza aberta co barrio para escoitar ás persoas afectadas e propoñer solucións de forma

conxunta. “A situación estáselle descontrolando ao goberno local e preocúpanos a

sensación de inseguridade que se está empezando a percibir en Lalín, mentres a Policía

Local está baixo mínimos”. Non se pode seguir mirando para outro lado”, concluíu Alba

Forno, mostrando a súa preocupación polo deterioro da convivencia nun municipio que

sempre foi exemplo de tranquilidade.