Agustín Reguera visita ao campamento de verán de Silleda, unha das iniciativas do Plan Corresponsables

Ecos da Comarca/Silleda

O delegado territorial da Xunta en Pontevedra, Agustín Reguera, visitou este mércores o campamento de verán do Concello de Silleda, acompañado pola alcaldesa, Paula Fernández Pena, e a concelleira de Promoción Económica e Axenda 2030, Estefanía Taín.

O programa, que se desenvolve ata o mes de setembro, acolle este ano a 130 nenos e nenas pertencentes a 70 familias do municipio, ofrecendo un espazo de xogo, aprendizaxe e diversión, ao tempo que facilita a conciliación da vida laboral e familiar.

Publicidade

Preme na imaxe para obter máis información.

Esta iniciativa municipal conta cunha achega de 45.000 euros a través do Plan Corresponsables da Xunta de Galicia, cofinanciado co Ministerio de Igualdade.

Publicidade

Preme na imaxe se queres contactar connosco.

Durante a visita, o delegado territorial salientou a importancia da colaboración entre institucións. Pola súa banda, Paula Fernández, que agradeceu o apoio recibido, lembrou que o programa de conciliación continuará durante o curso escolar, ca iniciativa Silleda Concilia, que vén de rematar o prazo de inscripción.