Agolada homenaxeará este sábado a Vázquez Pintor

Laura Moure/Agolada

O escritor Xosé Vázquez Pintor, natural de Melide, pero que se criou e reside en Agolada será homenaxeado este sábado, 13 de xullo, na localidade agoladesa. A cita comezará ás 12 horas.

Vázquez Pintor. Fonte: Wikipedia

Publicidade

Preme na imaxe se queres saber máis deste evento.

O programa arrancará coa concentración dos asistentes na Praza do Concello. Un dos organizadores Ángel Utrera será o encargado de dar a benvida aos presentes. Despois comezará a marcha cara a Rúa Iryda para descubrir a placa co nome da rúa Vázquez Pintor. De seguido, dará unhas explicacións Raquel Vidal e o agradecemento de María, en representación de Pintor.

Publicidade

Preme na imaxe para contactar con nós.

Cabe mencionar que se recolleron máis de 150 sinaturas para solicitar que Vázquez Pintor sexa nomeado Fillo Predilecto de Agolada e que tivera un espazo público co seu nome. Despois ao ritmo de Bico da Balouta os asistentes dirixiranse á casa do escritor para colocar unha segunda placa: "Aquí onde reside a súa palabra".

Logo intervirá o alcalde, Luis Calvo, e despois actuará na Praza do Concello a Coral Polifónica de Agolada e rematará a xornada nos Pendellos coa degustación de pinchos e coa música de Bico da Balouta e unha charanga.