Perruquería Marisa.gif

Agolada estrea un novo camión bañeira adquirido con fondos do Plan Concellos da Deputación

Con este investimento provincial, de case 75.000 euros, o ente provincial revalida a súa aposta por axudar os concellos a manter en bo estado os camiños e vías municipais


Laura Moure/Agolada

O concello de Agolada conta cun novo camión bañeira para atender as infraestruturas municipais sufragado con 74.900 euros achegados pola Deputación de Pontevedra a través do Plan Concellos. Esta adquisición foi presentada hoxe polos deputados provinciais Santos Héctor e Manuel González, quen xunto ao alcalde de Agolada, Luis Calvo, coñeceron de preto as características do vehículo.


Para o concello de Agolada era importante contar cun camión bañeira, tanto pola extensión das vías do municipio como pola continua necesidade de atender en subministración, obras de infraestruturas e servizos sociais a súa veciñanza. Deste xeito, Agolada decidiu destinar os recursos provinciais a manter en bo estado os seus camiños municipais da man do Plan Concellos da Deputación, co que tamén financiou subministración de material para reparar fochas (55.000 euros), asfaltados (200.000 euros) e melloras de camiños con firme de saburra (39.000 euros). Ademais, o concello de Deza tamén dedicou de xeito case íntegro os recursos do Plan 2021 a este tipo de obras.

O Plan Concellos é a grande aposta da Deputación de Pontevedra para achegar recursos ordinarios aos concellos da provincia de ata 50.000 habitantes, respectando a súa autonomía. De feito son os gobernos locais, que coñecen máis de preto as necesidades da súa veciñanza e xestionan a prestación adecuada dos servizos e actividades da súa competencia, os que deciden en que invisten os recursos provincias. A través deste plan Agolada ten recibido da Deputación case 4 millóns de euros desde 2016 dos que 900.000 euros corresponden ao Plan Concellos 2022-2023.

508 visualizaciones0 comentarios
IRS.gif
Copia de ¡TU Anuncio!.gif