Adxudicada a mellora da rede viaria do parque empresarial Área 33 de Silleda

A empresa Taboada e Ramos presentou a oferta mellor valorada cun orzamento de 130.479,41 euros

Laura Moure/Silleda

O Concello de Silleda acometerá nas vindeiras semanas a mellora dos viarios principais do parque empresarial Área 33, unha actuación que vén de ser adxudicada á empresa Taboada y Ramos, que resultou ser a oferta máis vantaxosa das cinco que se presentaron ao proceso de licitación.

A actuación, por un importe de 130.479,41 euros (IVE engadido), levarase a cabo a través da subvención da Consellería de Economía e Industria para a habilitación e mellora de infraestruturas en parques empresariais, ca que se financiará o 80% da obra. O Concello, que se presentou a esta liña de subvención a través de un procedemento de Concurrencia

Competitiva, acadou o porcentaxe máximo de axuda que establecían as bases de dita orde. O 20% restante será aportado polo Concello cos fondos que lle corresponden do Plan Máis Provincia da Deputación de Pontevedra.

Esta mellora das infraestruturas viarias do parque empresarial Área 33, vén a resolver o deterioro da capa de rodadura debido o envellecemento das mezclas, as inclemencias metereolóxicas e ao paso de vehículos pesados que soportan os viais de acceso e o vial

distribuidor do parque empresarial silledense.

Na obra a executar prevese a rehabilitación da calzada mediante a dotación dunha nova capa de rodadura  de asfalto en quente con previo fresado da capa existente. Ademais repintarase as marcas viais na zona de actuación, aumentando así a seguridade, eficacia e

comodidade na circulación. Estas obras van a garantir o aumento de tránsito que se van producir no polígono trala incorporación das novas industrias que están ocupando a segunda fase do mesmo. “Temos que ofrecer os mellores servizos para que esta segunda fase se colmate definitivamente” di a alcaldesa e responsable de Promoción Económica do Concello, Paula Fernández Pena.

Publicidade

Preme na imaxe se queres contactar connosco.

Esta era unha das demandas que lle foi trasladada ao goberno municipal pola Asociación de Empresarios do Polígono, e que se convertirá en realidade neste ano. “A colaboración entre Administracións permítenos acadar resultados para atender as demandas que nos solicita a cidadanía, e esta obra é un exemplo de elo”, remarca a alcaldesa.

Con esta actuación, o Concello continúa mellorando esta área industrial de Silleda, onde nos últimos anos se levaron a cabo melloras como a dotación de nova iluminación, a creación dunha nova zona de estacionamento ou a creación do rueiro, entre outras.