IsmaelRS/Lalín
Accidente na AP-53, no punto quilómetro 49 en dirección Ourense, o seu paso pola localidade de Lalín. Tivo lugar hoxe pola mañá ás 9:41 horas. O 112 Emerxencia recibeu o aviso dun particular, alertando da colisión entre 3 vehículos, un deles prendeu lume como consecuencia do impacto, aínda que a persoa que deu a voz de alarma coméntalle ao 112 que non hai persoas feridas. Acto seguido, o 112 deu aviso aos Bombeiros do Deza, ao GES de Lalín, á Garda Civil de Tráfico, e á Policía Local de Lalín, así como ao servizo de mantemento de estradas.
Finalmente, os membros do GES de Lalín indicaron que un vehículo quedara calcinado por completo.
Comments