O sinistro tivo lugar no cruce da PO-840 e a N-640, ás 10:43 horas desta mañá
IsmaelRS/Agolada
Esta mañá produciuse un accidente na localidade de Agolada, no que se viron implicados dous turismos e que tivo lugar sobre as 10:43 horas desta mañá, segundo indicou o 112 Emerxencias.
O 112 recibiu a chamada dun particular na que alertaba da colisión entre dous vehículos e informaba de que había unha persoa ferida, pero comentaba que ambos ocupantes dos vehículos están fóra dos mesmos.
O sinistro produciuse no cruce que une as estradas P0-840 e N-640, tras o impacto ambos os turismos quedaron no medio da calzada.
Acto seguido, o 112 pon estes feitos en coñecemento dos auxiliares sanitarios, do GES de Lalín, dos Axentes da Garda Civil de Tráfico, dos efectivos de Protección Civil do municipio e do equipo de mantemento de estradas.
Ata agora son todos os datos que temos.
Comments