Accidente entre dous vehículos en Agolada
Ecos da Comarca/Agolada
Esta tarde rexistrouse un accidente de tráfico no municipio de Agolada. O suceso ocorreu uns minutos antes das 19:00 horas na N-640, no quilómetro 150, preto do desguace da localidade e víronse implicados dous vehículos.
Un dos afectados foi o que alertou ao 112 Galicia, tal e como apunta este organismo. "Indicábanos que se trataba dun accidente sen feridos, nin atrapados, pero si que obstaculizaba o tráfico polo que era preciso o Servizo de Mantemento de Estradas".
O 112 Galicia avisou aos axentes da Garda Civil, ao Servizo de Mantemento de Estradas e tamén foron informados os Bombeiros de Silleda, o GES de Lalín e Protección Civil da localidade.
