Perruquería Marisa.png

ESPAZO DISPOÑIBLE PARA ANUNCIARSE

Pladur Touro.png

ESPAZO DISPOÑIBLE PARA ANUNCIARSE

A Xunta recibe 14 ofertas para o mantemento da autovía Dozón-Ourense nos vindeiros catro anos

Ecos da Comarca/Dozón

A Xunta recibiu 14 ofertas para levar a cabo o contrato de conservación e mantemento da autovía Dozón-Ourense (AG-53) e do seu ramal cara ao Carballiño (AG-54) para os vindeiros catro anos, que suporán un investimento autonómico de máis de 7,6 millóns de euros.


Este servizo inclúe as tarefas de conservación ordinaria e de vialidade invernal nestas vías de alta capacidade de titularidade autonómica. As actuacións obxecto deste programa levaranse a cabo no tronco da AG-53, no ramal cara ao Carballiño (AG-54) e en todos os ramais de enlace e camiños de servizo e cruces coas citadas infraestruturas.


As actividades desenvolveranse tendo como base o centro de control e explotación existente no enlace coa estrada OU-504 en Cea, á altura do punto quilométrico 73,2 da AG-53. Os traballos que debe realizar o adxudicatario prevén tarefas de vialidade destinadas a facilitar a circulación dos vehículos nestas vías en condicións axeitadas de seguridade e fluidez.


O contrato tamén abrangue as actividades de conservación ordinaria dirixidas a manter en boas condicións as características funcionais ou estruturais dos elementos da estrada e a corrixir os impactos negativos que poidan dificultar a correcta realización da súa función.

Ademais, a empresa adxudicataria deberá realizar as actividades de conservación extraordinaria destinadas a pór en situación inicial as características dos elementos da estrada, ou no seu caso, a mellorar os estándares iniciais.


Este contrato súmase aos impulsados pola Xunta para asegurar a conservación e a vialidade invernal na rede autonómica de estradas convencionais durante os vindeiros catro anos, recentemente licitados por importe de máis de 130 millóns de euros.

16 vistas0 comentarios
IRS.jpg

ESPAZO DISPOÑIBLE PARA ANUNCIARSE