A Xunta realizará o xoves e venres probas de funcionamento das sirenas en presas das comarcas
Teñen como obxectivos que poboación se familiarice co este son e comprobar o correcto funcionamento dos sistemas de activación
Laura Moure/Xeral
A Xunta ten previsto realizar estes xoves e venres, días 25 e 26 de xuño, unha activación de proba das sirenas de aviso á poboación adscritas a 41 presas con Plan de Emerxencia, entre eles nos concellos de Arzúa, Touro, Vila de Cruces e Silleda. Estas probas teñen un dobre obxectivo; por un lado, que a poboación das zonas afectadas e os medios e recursos adscritos ao plan Inungal se familiaricen co son das sirenas e, por outra banda, comprobar o correcto funcionamento dos sistemas de activación.
Durante a proba sonora activaranse máis dun cento de sirenas situadas por todo o territorio coa colaboración dos titulares das infraestruturas, isto é, Alúmina, Emalcsa, Endesa, Iberdrola, PHG, Naturgy, Xeal, Adelanta, e Augas de Galicia.
Tamén participará persoal dependente da Consellería de Medio Ambiente e Cambio Climático, así como membros de Protección Civil dos concellos afectados, xunto con persoal da Confederación Hidrográfica do Miño-Sil.
PUBLICIDADE
A maiores, activaranse as catro sirenas adscritas ao plan de emerxencia exterior da balsa de lodos vermellos, situada en Xove.
PUBLICIDADE
Estas probas non afectarán á actividade diaria da veciñanza. En calquera caso, a poboación dos lugares nos que o aviso será audible será informada da proba e das medidas de autoprotección previstas en caso de emerxencia.
Das comarcas serán:
25/06/2026 | 12:30 | BRANDARIZ | Touro, Vila de Cruces |
25/06/2026 | 13:00 | PORTODEMOUROS | Vila de Cruces, Arzúa |
26/06/2026 | 10:30 | TOURO | Vila de Cruces, Touro, Silleda | |||
Comentarios