top of page

A Xunta inicia hoxe, martes, as obras de rehabilitación do firme na autovía Dozón-Ourense

Os traballos terán unha duración estimada de entre 2 e 3 semanas e requirirán a realización de cortes de carril cunha lonxitude máxima de 3 quilómetros para minimizar a afección ao tráfico


Ecos da Comarca/Dozón

A Consellería de Infraestruturas e Mobilidade comezará hoxe, martes, a execución das obras de rehabilitación do firme na autovía AG-53, Dozón-Ourense, ás que destinará un investimento de 423.500 euros. As actuacións forman parte da campaña de conservación da Xunta de reforzo localizado do firme e desenvolveranse en ambas as dúas calzadas do treito de preto de 13 quilómetros de lonxitude da AG-53, desde Cea e ata a A-52, entre os quilómetros 74,2 e 87, que presentan danos superficiais na capa de rodaxe existente.

Nesta mesma intervención tamén se inclúe unha actuación puntual de renovación do firme na calzada dereita do tramo Dozón-Cea, á altura do quilómetro 59,9.

Os traballos de acondicionamento de firme, que se estima terán unha duración de entre 2 e 3 semanas, requirirá a realización de cortes de carril, con lonxitudes máximas de 3 quilómetros, para minimizar a afectación ao tráfico.

En concreto, as actuacións consistirán no fresado e reparación da capa de rodaxe e, nalgúns casos, tamén se intervirá na capa intermedia do pavimento existente. Estas actuación abarcarán unha superficie aproximada de 12.000 m2, cun volume de pavimento retirado e reposto de aproximadamente 2.700 toneladas.

Estes traballos terán continuidade coa renovación extraordinaria do firme xa programada para o vindeiro ano na AG-53 no tramo dese o enlace de Cea e a A-52.

0 comentarios
IRS.gif
Copia de ¡TU Anuncio!.gif
Ecos_da_Comarca_neg.png
bottom of page