Perruquería Marisa.png

ESPAZO DISPOÑIBLE PARA ANUNCIARSE

Pladur Touro.png

ESPAZO DISPOÑIBLE PARA ANUNCIARSE

A Xunta inicia as obras de renovación do firme da estrada PO-212 que une Rodeiro e Agolada

A obra inclúe a instalación de 1.500 captafaros para mellorar a visibilidade e as

condicións circulatorias dos 4.700 veciños da zona


Laura Moure/Deza

A Xunta de Galicia, a través da Consellería de Infraestruturas e Mobilidade, comezou hoxe as obras de renovación e reparación integral do firme e modernización do balizamento e da sinalización da estrada autonómica PO-212, entre os concellos de Rodeiro e Agolada, cun orzamento de 1.110.769 euros. O delegado territorial da Xunta en Pontevedra, Luis López, asistíu esta mañá ao comezo desta actuación na saída do casco urbano da capital de Camba xunto aos alcaldes de Rodeiro e Agolada, Rubén Quintá e Luis Calvo, respectivamente e tamén con algúns ediles de ambos municipios.

Visita do inicio das obras nesta estrada.


O representante autonómico explicou que esta mellora “é necesaria, xa que a

pavimentación foise deteriorando pola carga de tráfico, o paso do tempo e os efectos da

climatoloxía e por iso dende a Xunta impulsamos este proxecto co obxectivo de que estea

rematado e a disposición dos usuarios a comezos do vindeiro ano”. A actuación de reforzo de firme realizarase ao longo dos 15,6 quilómetros desta estrada autonómica co obxectivo de mellorar a súa seguridade viaria, así como as condicións de condución e circulatorias, beneficiando aos case 4.700 veciños de ambos os municipios que a empregan de xeito habitual.


Deste xeito, acometeranse traballos diferenciados, segundo o estado do firme nas diversas

zonas, que incluirán o fresado e a eliminación de cinco centímetros da capa de rodadura -

naqueles puntos onde está máis prexudicado e que suman 250.000m²- e a súa posterior

reposición con máis de 6.000 toneladas de mestura bituminosa en quente previa aplicación

dunha rega de adherencia. Así mesmo, está previsto que, en toda a vía, se aplique

microaglomerado en frío para minimizar o futuro desgaste da capa de rodadura e favorecer

a adherencia dos vehículos.


Paralelamente, a Xunta vai repoñer todas as marcas viarias, como a sinalización do eixo

central da calzada e os bordes da estrada, e vai colocar máis de 1.500 elementos de balizamento, co formato de captafaros, para incrementar a visibilidade. Cómpre sinalar que tamén está previsto que, en aras da seguridade, se reduza lixeiramente o ancho dos carrís centrais para establecer algunhas zonas intermedias cebreadas no marco das actuacións complementarias de modernización da estrada.


Luis López, que lembrou o cumprimento do compromiso de comezar as obras no verán,

destacou “o elevado grao de compromiso da Xunta de Galicia coas infraestruturas, que

están a recibir uns fortes investimentos en toda a provincia para mantelas nas mellores

condicións e que, no caso do Deza, vanse plasmar nesta conexión entre Rodeiro e

Agolada para favorecer a comunicación entre dous concellos cunha elevada relación e

mobilidade”.

32 vistas0 comentarios
IRS.jpg

ESPAZO DISPOÑIBLE PARA ANUNCIARSE