top of page

A Xunta e o Concello de Lalín poñen en marcha un novo programa destinado ás persoas maiores do rural

Unha decena de locais sociais municipais acollerán actividades que teñen como principal obxectivo impulsar o envellecemento activo e favorecer a conciliación das familias


Laura Moure/Lalín

O director xeral de Maiores e Atención Sociosanitaria, Antón Acevedo, asistiu hoxe á posta en marcha de Lalín Activa destinado ás persoas maiores que vive no rural. A Xunta de Galicia e o Concello asinaron un convenio para desenvolver actividades que teñen como principal obxectivo impulsar o envellecemento activo e favorecer a conciliación das familias.


Publicidade

O Goberno galego achega 75.000 euros para que uns 500 lalinenes conten cunha programación ampla de actividades que lles permita manterse activos o maior tempo posible. Unha decena de locais sociais municipais albergarán iniciativas para fomentar a estimulación cognitivas, favorecer o ocio e as relacións interpersoais. Tamén se levarán a cabo sesións de ximnasia e rehabilitación física e realizarase unha avaliación continua das capacidade cognitivas dos participantes.

Publicidade

Hoxe inaugurouse Lalín Activa no local social da parroquia de Donramiro e xa nos vindeiros días continuará a programación noutras instalacións do rural lalinense para chegar ao maior número de participantes posible. A Xunta de Galicia traballa en colaboración cos concellos para impulsar programas innovadores coma este que permitan, por un lado, mellorar a calidade de vida dos participantes ao mantelos máis activos e, por outro, facilitar a conciliación de todas as súas familias.

Preténdese tamén atallar outros aspectos como a soidade non desexada, o deterioro das persoas de máis idade ou a concienciación e sensibilización sobre os hábitos saudables.






0 comentarios
IRS.gif
Copia de ¡TU Anuncio!.gif
Ecos_da_Comarca_neg.png
bottom of page