A Xunta destina máis de 37 M€ en "actuacións clave" en concellos da comarca de Deza-Tabeirós
- Laura Moure
- 20 oct 2024
- 2 Min. de lectura
Anuncia en concreto investimentos na Estrada, Agolada, Dozón, Lalín e Silleda
Laura Moure/Deza
A Xunta de Galicia vén de destinar preto de máis de 37 M€ para a comarca do Deza-Tabeirós no proxecto de Orzamentos 2025, segundo revelou este sábado o delegado territorial, Agustín Reguera, acompañado polo secretario territorial, Ramón Pereiro, e a directora territorial da consellería de Presidencia, Blanca García-Señoráns. O delegado lembrou as “múltiples obras e iniciativas” levadas a cabo con éxito durante o presente exercicio e sinalou algunhas das principais actuacións previstas nestes orzamentos.
Entre os principais investimentos que se levarán a cabo na comarca, destacan a Autovía
AG-59 que conta cunha achega de 23,13 M€ e que suporá unha importante mellora da
conectividade da zona, cun especial impacto no concello da Estrada. Aínda na Estrada, o
novo edificio xudicial, conta cunha partida de 1,745 M€. Tamén na Estrada contemplase a
rehabilitación total do CEIP Pérez Viondi, con 1 M€.
En Dozón, os orzamentos contemplan 1,2 M€ para a construción do albergue de peregrinos.
No concello de Silleda, as obras de eficiencia enerxética de Semana Verde, contan cunha
achega de 1,5 M€ e o polo de emprendemento contará con 120.000 €.
En Lalín, a actuación de maior importe corresponde á ampliación do Polígono, 4,4 M€;
tamén se mellorará o edificio de Medio Rural, 2,5 M€; a ampliación do IES Ramón Mª Aller Ulloa, 400.000 €; ademais de dúas partidas para a mellora do Camiño de Santiago e o Plan
Hurbe con 290.000 € e 260.000 € respectivamente.
Por último, Agolada conta cunha partida de 622.000 euros para a rehabilitación integral do
CEIP Plurilíngue.
En total, o investimento en actuacións estratéxicas na comarca de Deza-Tabeirós é de
preto de 37 M€.
Publicidade
Cabe destacar que, máis alá dos investimentos nomeados, os orzamentos do ano 2025 contemplan unha gran cantidade de pequenas actuacións, así como a prestación de
servizos aos que a cidadanía xa está habituada. Nomeadamente as axudas para o alugamento, os bonos e programas de transportes ou a gratuidade da educación dende os 0 anos ata a titulación universitaria.
O delegado territorial destacou a importancia dos múltiples investimentos en infraestruturas que contemplan estes orzamentos é que son proba da aposta da Xunta
“pola modernización e desenvolvemento destas comarcas clave para a provincia de
Pontevedra”.
コメント