Perruquería Marisa.png

ESPAZO DISPOÑIBLE PARA ANUNCIARSE

Pladur Touro.png

ESPAZO DISPOÑIBLE PARA ANUNCIARSE

A Xunta declara a finalización da situación de emerxencia sanitaria, incrementa os aforos ata o 100%

Será necesario manter as máscaras en espazos pechados e cando non se poida manter unha distancia de metro e medio


Laura Moure/Xeral

O vicepresidente primeiro e conselleiro de Presidencia, Xustiza e Turismo, Alfonso Rueda, anunciou en rolda de prensa que o Consello da Xunta declarou a finalización da situación de emerxencia sanitaria, que estaba declarada dende o día 13 de marzo de 2020. Ademais, increméntanse os aforos ata o 100% e a hostalería e ocio nocturno amplían os seus horarios.

Rueda especificou que o levantamento da emerxencia sanitaria non significa que a Comunidade quede sen ferramentas no caso de que sexa necesario actuar. “Galicia conta agora cunha lei específica para xestionar a pandemia que nos permite, en caso de empeoramento ou dun novo gromo, tomar decisións coas máximas garantías de eficacia e tamén de seguridade xurídica”, aseverou

. A maiores da fin da emerxencia sanitaria, o comité clínico abordou na súa reunión de onte o incremento dos aforos ata o 100% en practicamente todos os ámbitos, tanto no interior como no exterior.

No que atinxe aos horarios, o vicepresidente primeiro explicou que no ámbito de hostalería estenderase o horario de apertura na noite dos venres e dos sábados, ata a 1:30 horas mentres que os restantes días a limitación horaria fíxase ata as 1 horas da madrugada. Polo que respecta ao ocio nocturno, nas noites do venres e o sábado, os locais poderán estar abertos ata as 4:30 horas e os restantes días da semana ata as 4:00 horas. Así mesmo, no caso das discotecas e salas de festa, o seu horario de apertura estenderase ata as 5:00 horas da mañá todos os días da semana.

O vicepresidente primeiro explicou que “no ocio nocturno se mantén a necesidade de acreditar o certificado de vacinación”. Ademais puxo en valor que a aplicación PassCovid conta desde hoxe cun lector de códigos para axilizar tanto o sistema de acceso como o rastrexo.

Rueda tamén explicou que se levantan as medidas excepcionais que aínda se mantiñan en vigor nas residencias sociosanitarias. Deste xeito, todos os residentes poderán saír como facían antes da pandemia e tamén se recuperan as visitas, gardando coma sempre as precaucións e tamén a cita previa. A maiores tamén se seguirá cos cribados periódicos aos profesionais que traballan nestes centros.

Todas estas medidas entrarán en vigor o vindeiro sábado, 23 de outubro. Logo de lembrar que será necesario manter as máscaras en espazos pechados e cando non se poida manter unha distancia de metro e medio, o vicepresidente primeiro salientou que todas estas medidas “nos levan cara a normalidade de antes ou, cando menos, á nova normalidade”.

Deste xeito, non está previsto que se manteña a periodicidade semanal do comité clínico, aínda que seguirá activo o subcomité para avaliar a situación e poder seguir asesorando na toma de decisións.


NOTICIAS RELACIONADAS:

162 vistas0 comentarios

Entradas Recientes

Ver todo
IRS.jpg

ESPAZO DISPOÑIBLE PARA ANUNCIARSE