Perruquería Marisa.png

ESPAZO DISPOÑIBLE PARA ANUNCIARSE

A Xunta concede axudas ás escolas de música de Agolada, Antas de Ulla, Lalín, Vilatuxe e Santiso

Congregan en conxunto a 505 alumnos e perciben unha cantidade total de 17.000 euros


Laura Moure/Xeral

Coincidindo coa véspera do Día dos Músicos, a Xunta de Galicia vén de publicar no Diario Oficial de Galicia a resolución das axudas dirixidas a escolas de música privadas dependentes de asociacións ou fundacións sen ánimo de lucro, da que resultan 31 entidades, que prestan servizo a case 5.000 alumnos. O orzamento total ascende a 165.000 euros, a mesma cantidade ca o ano anterior e a cidade de Vigo é a máis beneficiada nesta convocatoria, con cinco entidades.

O obxectivo destas subvencións é potenciar o funcionamento dos centros dependentes de asociacións ou fundacións sen ánimo de lucro que imparten ensinanzas de música non regradas e prestar apoio ás iniciativas para o fomento, difusión e extensión destas ensinanzas por parte destas entidades que teñen entre os seus fins a formación musical.


Estas escolas, que contan cunha crecente demanda, abarcan, como oferta básica, os ámbitos de ensino de música e movemento, práctica instrumental, formación musical complementaria á práctica instrumental, e actividades de conxunto. Neste sentido, cómpre sinalar que as escolas de música dedícanse á formación de afeccionados e á preparación das probas de acceso aos estudos conducentes á titulación daquelas persoas que teñan vocación e aptitudes para a música.

CONCELLO

ESCOLA DE MÚSICA

NÚMERO DE ALUMNADO

APORTACIÓN

Agolada

EMUSPR de Agolada

107

3.608 euros

Antas de Ulla

EMUSPR de Antas de Ulla

84

2.833 euros

Lalín

EMUSPR Banda de Lalín

136

4.587 euros

Lalín

EMUSPR Escola de Música de Vilatuxe

109

3.676 euros

Santiso

EMUSPR de Visantoña

​69

2.327 euros



98 visualizaciones0 comentarios

Entradas Recientes

Ver todo
IRS.jpg

ESPAZO DISPOÑIBLE PARA ANUNCIARSE