A Xunta completa traballos preventivos en 27 hectáreas do distrito forestal XVI Deza-Tabeirós, en Cerdedo-Cotobade e Forcarei

Laura Moure/Deza

A Consellería do Medio Rural, a través da Dirección Xeral de Defensa do Monte, vén de completar actuacións para a prevención de incendios forestais no Distrito Forestal XVI Deza-Tabeirós.

 As actuacións realizadas consistiron na mellora de devasas, roza mecanizada da plataforma de pistas forestais, roza das faixas auxiliares de pistas e mellora de pistas forestais en varios montes veciñais en man común dos concellos pontevedreses de Forcarei e Cerdedo-Cotobade. En total, actuouse nunha superficie dunhas 27 hectáreas.

Publicidade

Preme na imaxe para obter máis información!

A mellora de devasas busca interromper a continuidade da vexetación en lugares específicos para crear ou mellorar liñas de defensa, dificultando a propagación do lume e facilitando os traballos de extinción nestas zonas estratexicamente localizadas.

Publicidade

Preme na imaxe se quere contactar connosco.

Para poder levar a cabo estes traballos empregouse maquinaria específica como pas ou tractores con rozadora de cadeas, ademais de realizarse actuacións de xeito manual.