A Xunta colabora co Concello de Monterroso para mellorar o acceso ao núcleo de Sandolfe

O delegado territorial de Lugo, Javier Arias, explica que o Goberno galego achegou financiamento para executar a obra, que tivo un orzamento de 24.100 euros

Laura Moure/Monterroso

A Xunta colabora co Concello de Monterroso para mellorar a vía de acceso ao núcleo de Sandolfe. O Goberno galego achegou financiamento para executar a obra, que tivo un orzamento de 24.100 euros. O delegado territorial de Lugo, Javier Arias, comprobou este luns o resultado dos traballos xunto co alcalde de Monterroso, Eloy Pérez.

Publicidade

Preme na imaxe para obter máis información.

A intervención centrouse en dotar o camiño dunha nova capa de rodaxe adecuada ao seu uso, corrixindo os problemas que presentaba o firme e mellorando a seguridade e a comodidade para os usuarios.

Publicidade

Preme na imaxe para contactar con nós.

Arias sinalou que a Xunta traballa de forma conxunta cos concellos para mellorar infraestruturas e servizos municipais. Neste caso, os traballos financiáronse con cargo ao Fondo de Compensación Ambiental do 2024, que conta con máis de 11 millóns de euros de orzamento.