top of page

A Xunta aproba o proxecto de interese autonómico da ampliación do parque empresarial de Palas de Rei

Foto del escritor: Laura MoureLaura Moure

Este instrumento de intervención ten como obxectivo desenvolver a terceira fase deste polígono lucense, que ocupará unha superficie de preto de 40.000 m2


Laura Moure/Palas de Rei

A Xunta aprobou definitivamente o Proxecto de interese autonómico (PIA) que permitirá acometer a ampliación do parque empresarial de Palas de Rei, tal e como se recolle na resolución publicada hoxe no Diario Oficial de Galicia.

Este PIA ten por obxecto desenvolver a terceira fase da ampliación do parque empresarial lucense, unha actuación delimitada na segunda modificación do Plan Sectorial de Ordenación de Áreas Empresariais de Galicia (PSOAEG), aprobada polo Consello da Xunta o pasado mes de decembro.


Publicidade

Preme na imaxe para obter máis información!

Cómpre lembrar que os Proxectos de interese autonómico son instrumentos de intervención directa previstos na Lei de ordenación do territorio de 2021 co obxecto de planificar e proxectar a execución inmediata de actuacións que transcenden o ámbito municipal pola súa incidencia territorial, económica, social ou cultural, a súa magnitude ou as singulares características que as fagan portadoras dun interese supramunicipal cualificado, que non teñan previsión nin acomodo no planeamento urbanístico.


Publicidade

Preme na imaxe para obter máis información.

Neste sentido e unha vez completadas as fases I e II do referido polígono, nas que na actualidade xa non quedan parcelas dispoñibles, esta ampliación permitirá poñer á disposición do tecido empresarial da zona unha superficie de 39.926,57 metros cadrados nun ámbito localizado a uns 600 metros do núcleo urbano de Palas de Rei e que linda ao oeste coa primeira fase do parque empresarial.


En concreto, o novo desenvolvemento contará con 14 parcelas destinadas a usos industriais e cunha superficie global de 20.755,64 metros cadrados, case 11.250 metros cadrados reservados para espazos libres e zonas verdes e outros 1.260 metros cadrados para equipamentos.


Publicidade

Preme na imaxe para obter máis información do evento.

En canto aos accesos á fase III, farase desde o viario do actual parque empresarial, conectando a rotonda existente mediante unha nova vía que dividirá a área industrial resultante en dúas partes. Ademais, prevese unha zona verde perimetral ao redor do futuro ámbito que creará unha barreira visual vexetal na zona norte e leste. Na parte sur reservaranse dúas parcelas destinadas a albergar os equipamentos.



0 comentarios

Entradas recientes

Ver todo

Commentaires


IRS.gif
Copia de ¡TU Anuncio!.gif
Ecos_da_Comarca_neg.png

© 2025 por Ecos da Comarca.

¡Grazas por contactar connosco!

  • Facebook
  • Instagram
  • TikTok
  • X
  • Youtube
bottom of page