top of page

A Xunta aproba de forma inicial o plan básico municipal de Dozón

O obxectivo é dotar o municipio dun instrumento eficaz de ordenación do territorio


Laura Moure/Dozón

A Xunta de Galicia aprobou de forma inicial o Plan Básico Municipal do Concello de Dozón de cara a dotar o municipio dun instrumento eficaz de ordenación do territorio, tal e como subliñou a vicepresidenta segunda e conselleira de Medio Ambiente, Territorio e Vivenda, Ángeles Vázquez.


Publicidade

Durante o acto de sinatura da resolución pola que se aproba inicialmente o PBM, no que estivo acompañada polo delegado territorial da Xunta en Pontevedra, Agustín Reguera, a vicepresidenta segunda salientou que Dozón é o primeiro concello da provincia en superar este trámite para contar cunha ferramenta que ten como obxectivo impulsar unha ordenación urbanística responsable e sostible dos concellos de menos de 5.000 habitantes para garantir un territorio ordenado.


Publicidade

Nesa liña, logo de indicar que tras este trámite o seguinte paso será iniciar o procedemento de información pública e solicitar todos os informes preceptivos previos para a súa aprobación definitiva, Ángeles Vázquez explicou que este PBM establece un total de 55 núcleos rurais, dos que 46 son tradicionais; 2, comúns, e 7 combinan ambas condicións.


A maiores, o plan tamén identifica e cataloga os 164 elementos do patrimonio arqueolóxico, arquitectónico e etnolóxico, dos que 2 están declarados Ben de Interese Cultural.

Publicidade

Para concluír, a vicepresidenta incidiu en que o obxectivo xeral destes plans básicos municipais é acadar un uso racional do territorio e a protección dos seus valores naturais e patrimoniais. Trátase, polo tanto, dun instrumento moi respectuoso e necesario para os veciños que viven en Dozón e para quen queira investir neste municipio ao garantir o desenvolvemento dun urbanismo responsable.


0 comentarios
IRS.gif
Copia de ¡TU Anuncio!.gif
Ecos_da_Comarca_neg.png
bottom of page