Perruquería Marisa.png

ESPAZO DISPOÑIBLE PARA ANUNCIARSE

Pladur Touro.png

ESPAZO DISPOÑIBLE PARA ANUNCIARSE

A Xunta acomete a reforma integral e enerxética do CEIP Pío Cabanillas de Dozón por 313.000 euros

A actuación, enmarcada no Plan de Nova Arquitectura Pedagóxica, inclúe o cambio das cubertas e a renovación completa das instalacións eléctricas, a iluminación e da fontanaría


Laura Moure/Arzúa

A Xunta de Galicia, a través da Consellería de Cultura, Educación e Universidade, está a acometer na actualidade as obras de rehabilitación integral e enerxética do CEIP Pío Cabanillas Gallas, no Concello de Dozón, cun investimento de 313.000 euros para adaptalo ao Plan de Nova Arquitectura Pedagóxica. Por este motivo, o delegado territorial da Xunta en Pontevedra, Luis López, acompañado polo alcalde de Dozón, Adolfo Campos, e do xefe territorial de Educación, César Pérez, acudiu este venres ata este colexio público para supervisar os traballos, que comezaron hai algunhas semanas e avanzan segundo o cronograma previsto co obxectivo de telos rematados no que resta de ano.

“Creo que estamos ante unha obra importante, que responde a unha demanda cursada

polo alcalde de Dozón e que dende a Xunta estimamos necesaria para mellorar a confortabilidade da comunidade educativa e a eficiencia dun edificio que ten varias

décadas de antigüidade e que vai quedar en óptimas condicións”, detallou o representante

autonómico.


A actuación, que responde ás directrices deseñadas polo departamento autonómico para

converter os centros educativos en espazos polivalentes, multifuncionais e seguros, inclúe

o cambio de todas as cubertas, que é a parte da obra que se está a acometer nestes

momentos, a renovación completa das instalacións eléctricas, a iluminación e a rede de

fontanaría, a dotación de falsos teitos e o cambio de baixantes e canalóns.


Ao longo deste verán, a Consellería de Cultura, Educación e Universidade está a realizar

melloras de gran calado en ata oito centros educativos públicos das bisbarras de Deza e

Tabeirós-Terra de Montes cun investimento de máis de 2,1 millóns de euros. Así, á obra

no CEIP Pío Cabanillas Gallas de Dozón, hai que engadir as actuacións que se están a

realizar no colexio público de Figueiroa e no Xoaquín Loriga de Prado, con senllas

rehabilitacións integrais, e nos doutros dous colexios do rural de Lalín e nos tres centros

educativos do Concello de Silleda.

17 vistas0 comentarios

Entradas Recientes

Ver todo
IRS.jpg

ESPAZO DISPOÑIBLE PARA ANUNCIARSE