A Xunta achega 48.000 euros para a mellora viaria entre Tarríos e Novelúa, en Monterroso

O delegado territorial de Lugo, Javier Arias, comprobou o resultado dos traballos

realizados, que se executaron con cargo ao Plan de Infraestruturas Rurais deste ano

Laura Moure/Monterroso

A Consellería do Medio Rural destinou un total de 48.100 euros a mellorar a vía que comunica Tarríos e Novelúa, no municipio de Monterroso. O delegado territorial da Xunta, Javier Arias, visitou a zona para comprobar o resultado destes traballos, que se enmarcan no Plan de Infraestruturas Rurais 2025, enfocado a mellorar a accesibilidade nos concellos galegos.

Arias destacou que a intervención facilitará un tránsito máis cómodo e seguro para os

usuarios desta vía de conexión entre varios núcleos de poboación.

A actuación centrouse na renovación do firme nunha lonxitude aproximada de 1,1

quilómetros de camiño, así como na mellora da drenaxe. Tamén se reforzou a sinalización

vertical e horizontal, co fin de garantir unha maior seguridade na circulación.

Publicidade

Preme na imaxe se quere contactar connosco.

A Consellería do Medio Rural destina este ano 1,8 millóns de euros a acondicionar

infraestruturas viarias en 25 concellos da provincia de Lugo a través do programa PIR.

Todas as actuacións van dirixidas a desenvolver infraestruturas para favorecer a

mobilidade e mellorar a calidade de vida nas zonas rurais.