top of page

A xornalista Laura Moure dá unha charla e un taller no CEIP Nosa Señora da Piedade de Vila de Cruces

Esta actividade levouse a cabo con motivo da Semana da Prensa


Laura Moure/Vila de Cruces

Este venres esta servidora tivo o gran pracer de desfrutar da compañía do alumnado e de parte dos mestres do CEIP Nosa Señora da Piedade de Vila de Cruces. Fun convidada, con motivo da Semana da Prensa, para falarlle da miña profesión: O xornalismo.

O alumando de cuarto, quinto e sexto de Primaria recibiume no salón de actos. E alí baixo a atenta mirada expliqueilles as distintas funcionalidades que ten o xornalismo; falamos dos xéneros xornalísticos, algo do que xa aprenden nas clases e do que xa saben moito; da importancia das fontes informativas ou do auxe do xornalismo dixital, contando a experiencia de ECOS DA COMARCA.


Foi un encontro marabilloso, onde non faltou a interacción e onde lles contei algunha que outra anécdota graciosa do meu traballo, que queda entre nós!

Despois desta charla, en compañía duns 45 deses alumnos trasladábamos á biblioteca do centro educativo. Estes rapaces están levando a cabo unha gran iniciativa: un club de xornalistas, co que empezaron este curso. Só hai que ver o vídeo que fixeron por San Valentín, para saber o moito e o ben que traballan! Podedes velo na web do colexio.


Fixemos un taller sobre distintas temáticas xornalísticas e estamos argallando unha colaboración que vos desvelaremos en vindeiras semanas!! Estade moi atentos porque isto promete!


Gracias por acollerme tan ben!


0 comentarios
IRS.gif
Copia de ¡TU Anuncio!.gif
Ecos_da_Comarca_neg.png
bottom of page