top of page

A rede de aulas de capacitación dixital da Xunta suma 16 centros e chega a 71 en toda Galicia

Entre estes figuran o IES de Melide, o EPAPU de Monterroso, o IES Laxeiro de Lalín e o IES Plurilingüe Pintor Colmeiro de Silleda


Laura Moure/Xeral

A Xunta de Galicia incorpora 16 novos centros á Rede de Capacitación Dixital, de tal forma que son xa 71 os centros que imparten ensinanzas para persoas adultas de educación secundaria, bacharelato ou FP, que dispoñen destas aulas. A Consellería de Cultura, Educación, FP e Universidades destina un total 1.230.875€ para o conxunto destes espazos.


Esta actuación pon ao servizo da cidadanía as infraestruturas e dotacións dos centros educativos para formarse nas competencias dixitais transversais necesarias para desenvolverse de forma cotiá nunha sociedade cada vez máis dixitalizada, na que servizos esenciais, tales como a banca, o acceso ás administracións públicas ou o consumo se realizan de forma telemática.

As actividades van dirixidas, preferentemente, ás persoas maiores de 55 anos cun nivel baixo de cualificación neste eido, atendendo especialmente a fenda de xénero, á poboación vulnerable e ás zonas rurais, de acordo co establecido na Estratexia Edudixital 2030, que ten como eixo segundo a mellora das competencias dixitais da cidadanía no ámbito das súas competencias.


Durante o seu primeiro ano de funcionamento formáronse en competencias dixitais básicas nas 55 aulas habilitadas na primeira convocatoria un total de 2.409 persoas e agárdase chegar a 2.792 ao longo do ano 2024.


Publicidade

Das comarcas de Arzúa, Deza, Terra de Melide e A Ulloa os centros dotados con estas aulas son: o IES de Melide, o EPAPU de Monterroso, o IES Laxeiro de Lalín e o IES Plurilingüe Pintor Colmeiro de Silleda.


A relación completa de centros pode consultarse no seguinte enlace:



0 comentarios

Comentários


IRS.gif
Copia de ¡TU Anuncio!.gif
Ecos_da_Comarca_neg.png
bottom of page