A Real Academia Galega de Ciencias dá a coñecer a figura do matemático Rodríguez, “Científico Galego do Ano” e veciño de Lalín

 O luns, 3 de xuño, terá lugar unha conferencia a cargo da investigadora Carmen Villanueva

Laura Moure/Lalín

A Real Academia Galega de Ciencias (RAGC) elixiu ao matemático José Rodríguez González (Lalín, 1770 - Santiago de Compostela, 1824) como “Científico Galego de 2024”, coincidindo co bicentenario do seu falecemento. Para dar a coñecer a súa figura e as súas contribucións ao conxunto da sociedade, vanse celebrar unha serie de actividades ao longo do ano.

Publicidade

Preme na imaxe se queres saber máis desta empresa.

O vindeiro luns, 3 de xuño, terá lugar unha conferencia no marco de “Os Luns do Ateneo”, na sede de Afundación, a partir das 19:30 horas; en colaboración co Ateneo de Santiago, o Concello de Santiago e a Deputación da Coruña.

A conferencia vaina impartir a investigadora Carmen Villanueva, licenciada en Química pola Universidade de Santiago de Compostela e doutora en Física Aplicada. Presentou a súa tese de doutoramento na Universidade de Vigo en 2023 sobre o matemático Rodríguez, co título “José Rodríguez González (1770- 1824), matemático, geodesta, astrónomo, naturalista e viaxeiro científico por Europa”.

Publicidade

Preme na imaxe se quere contactar connosco.

Dirixiuna o catedrático de Astronomía da USC José Ángel Docobo, director do

Observatorio Astronómico Ramón María Aller.

NOTICIA RELACIONADA:

• O Matemático de Bermés elixido pola Real Academia Galega das Ciencias como Científico Galego do Ano: https://www.ecosdacomarca.com/post/o-matem%C3%A1tico-de-berm%C3%A9s-elixido-pola-real-academia-galega-das-ciencias-como-cient%C3%ADfico-galego-do-ano