A promoción da cultura tradicional en Touro refórzase co convenio entre o Concello e a A Pinguela

Ecos da Comarca/Touro

O Concello de Touro destaca o labor que vén desenvolvendo a asociación cultural A Pinguela de Bama na dinamización da vida cultural e social do municipio, promovendo a igualdade e diversidade, a recuperación e difusión da cultura galega ou a formación musical e baile tradicionais.

O concelleiro José Luis Ramos, o alcalde Roberto Castro, Andrea Mosquera, presidenta da Pinguela e Patricia Remeseiro, secretaria da Pinguela.

Ao longo de todo o ano A Pinguela de Bama ten unha ampla oferta de formación musical e baile tradicionais, artes plásticas, obradoiros relacionados ca cultura tradicional do noso País e de recuperación de patrimonio inmaterial. O pasado mes de maio, A Pinguela organizou a VIII Morada de Bama coa colaboración do Concello de Touro; o encontro de referencia da cultura tradicional na primavera en Touro.

Publicidade

Preme na imaxe para obter máis información do evento.

Nesta liña asináronse acordos de colaboración entre o goberno local e asociación que se traducirán en axudas e subvencións do Concello á asociación a Pinguela por máis de 14.500 euros para este ano 2025, dando estabilidade económica á Asociación para desenvolver ás actividades.

Desta colaboración entre Concello e Asociación tamén se beneficiarán as Comisións de Festas do concello que poderán contratar actuacións da Pinguela de Bama a prezos reducidos (de 250 euros ou 600 euros, dependendo do tipo de formación musical, cuarteto ou formación completa) aos que o Concello achegará 150 euros ou 200 euros por cada actuación.

Publicidade

Preme na imaxe se queres contactar connosco.

Preténdese con este acordo o fomento da música tradicional nas festas parroquiais.