O colectivo veciñal agradece que “por fin o alcalde de Palas recoñeza que é normal que haxa voces discordantes”
Ecos da Comarca/A Ulloa
A Plataforma Ulloa Viva celebra que “o noso traballo de información á veciñanza arredor do desastre ambiental e socioeconómico que suporía a celulosa de Altri en Palas de Rei, teña feito mella até nos responsables do PP da provincia de Lugo”. Algúns membros da plataforma e outros veciños achegáronse a título persoal este martes a Palas de Rei a un encontro cos medios do PP de Lugo encabezado pola presidenta provincial, Elena Candia, para amosar o seu rexeitamento a esta macrocelulosa. Logo de escoitar o que o PP de Lugo tiña que anunciar nesta convocatoria, dende a Plataforma Ulloa Viva “celebramos que por fin ata ao PP lle entraran as dúbidas ao respecto deste proxecto, que vaian levar mocións a todos os plenos municipais para escoitar a todas as forzas políticas e que acepten que haxa voces discordantes ao respecto”.
Diante deste cambio de actitude dos populares a Plataforma Ulloa Viva reclama á Xunta de Galicia que diante destas dúbidas “paralice a tramitación administrativa do proxecto Gama” que está en exposición pública para a súa Declaración de Impacto Ambiental (DIA) e declaración de utilidade pública dende o pasado 4 de marzo, e cun prazo de alegacións que remata o vindeiro 17 de abril.
Dende Ulloa Viva consideranque “é preciso suspender a tramitación administrativa deste proxecto na Xunta, xa que dende o propio PP de Lugo aseguran que aínda están a analizar os impactos deste proxecto na zona e mesmo o alcalde de Palas explicaba hoxe que estamos a falar da primeira fábrica de fibras téxtis de España e a segunda de Europa,
cando no DOGA di que Altri vai fabricar o dobre de celulosa que de lyocell, polo que estamos en realidade a falar de instalar a macrocelulosa máis grande de Europa no corazón de Galicia”.
Cambio de postura
A Plataforma Ulloa Viva saúda este “interese” que agora semella amosar o PP polo proxecto de Altri en Palas de Rei, logo de ter que escoitar este mes declaracións de dirixentes da Xunta cualificándoo coma “proxecto estratéxico, tractor, redondo e
supersostible”. Este martes a presidenta provincial do PP dixo en Palas que o seu partido busca “unanimidade” arredor deste proxecto e a Plataforma veciñal “celebra este cambio de postura e convida ao PP a paralizar a tramitación administrativa do mesmo para “buscar esa unanimidade”.
Publicidade
Dende Ulloa Viva aclaran ao PP de Lugo que onte falou en Palas de que o de Altri é un
“proxecto de economía circular”, que ese foi o PERTE ao que en un principio pretendeu
optar a empresa para captar 250 millóns de euros de fondos europeos, “pero os senadores do PP deberían saber que o pasado mes de febreiro na Cámara Alta o ministro de Industria en resposta a Xosé Manuel Barreiro dixo que agora o proxecto concorre ao PERTE da descarbonización”.
Ulloa Viva celebra que o propio alcalde de Palas de Rei recoñeza que “é normal que haxa
voces discordantes” e que estamos en periodo de exposición pública para presentar alegacións. De todos modos e posto que o rexedor palense insiste en falar dunha fábrica de fibras téxtis, a plataforma recoméndalle que “coma lle explicaron os xornalistas si lee o
DOGA verá que Altri quere producir o dobre de celulosa que de lyocell, polo que a de Palas pretende ser unha macrocelulosa 10 veces maior que Ence”.
Publicidade
A preguntas dos xornalistas respecto da afectación deste proxecto ao Camiño de Santiago, o alcalde de Palas falou das “medidas correctoras” que no proxecto da empresa figuran para esta afectación, en realidade só unha medida que é “un cinturón de árbores
autóctonas”. "Dende a Plataforma Ulloa Viva entendemos que o propio rexedor ao anunciar
onte que “vamos estudialas e se se pode, melloralas”, está a recoñecer a afectación de Altri “desastrosa” para a actividade socioeconómica arredor do Camiño Francés. Un argumento que para Ulloa Viva supón “un motivo máis para paralizar a tramitación administrativa deste proxecto por parte da Xunta de Galicia”.
Comments